សិក្ខាសាលាផ្សព្វផ្សាយណែនាំពីបែបបទ នីតិវិធី ពាក់ព័ន្ធនឹងការគ្រប់គ្រង និងការរៀបចំបញ្ជីសារពើភណ្ឌទ្រព្យសម្បត្តិរដ្ឋប្រចាំឆ្នាំ២០២៥ និងការជំរុញការចុះបញ្ចីធ្វើប័ណ្ណកម្មសិទ្ធដីរដ្ឋជូនដល់ មន្ទីរ-អង្គភាពជំនាញ និងរដ្ឋបាលថ្នាក់ក្រោមជាតិ ឆ្នាំ២០២៦

អ្នកនិពន្ធ: admin
កាលបរិច្ឆេទ: ថ្ងៃសុក្រ ទី១៣ ខែកុម្ភះ ឆ្នាំ ២០២៦

(បាត់ដំបង)៖ ថ្ងៃសុក្រ ១១រោច ខែមាឃ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី១៣ ខែកុម្ភៈ ឆ្នាំ២០២៦, មន្ទីរសេដ្ឋកិច្ច និងហិរញ្ញវត្ថុខេត្តបាត់ដំបង បានរៀបចំសិក្ខាសាលាផ្សព្វផ្សាយណែនាំពីបែបបទ នីតិវិធី ពាក់ព័ន្ធនឹងការគ្រប់គ្រង និងការរៀបចំបញ្ជីសារពើភណ្ឌទ្រព្យសម្បត្តិរដ្ឋប្រចាំឆ្នាំ២០២៥ និងការជំរុញការចុះបញ្ចីធ្វើប័ណ្ណកម្មសិទ្ធដីរដ្ឋជូនដល់ មន្ទីរ-អង្គភាពជំនាញ និងរដ្ឋបាលថ្នាក់ក្រោមជាតិ ឆ្នាំ២០២៦។

សិក្ខាសាលាផ្សព្វផ្សាយនេះ មានការអញ្ជើញចូលរួមក្រោមអធិបតីភាព ឯកឧត្ដម ស្រេង ហុង អភិបាលរង នៃគណៈអភិបាលខេត្ត តំណាង ឯកឧត្ដម សុខ លូ អភិបាល នៃគណៈអភិបាលខេត្ត នៅសាលប្រជុំធំ នៃមន្ទីរសេដ្ឋកិច្ច និងហិរញ្ញវត្ថុខេត្ត។ សិក្ខាសាលាផ្សព្វផ្សាយនេះដែរ មានការអញ្ជើញចូលរួម ពីលោក លោកស្រី តំណាងរតនាគារខេត្ត, លោក លោកស្រី តំណាងសាខាពន្ធដារខេត្ត, លោក លោកស្រី តំណាងសាខាគយ និងរដ្ឋាករខេត្ត, លោក លោកស្រី មន្ទីរ-អង្គភាពជំនាញ ព្រមទាំងអង្គភាពពាក់ព័ន្ធ ផងដែរ។

គួរបញ្ជាក់ផងដែរថា សិក្ខាសាលាផ្សព្វផ្សាយនេះ បានរៀបចំដើម្បីកំណត់ក្នុងគោលបំណងបង្កើនប្រសិទ្ធភាព ស័ក្តិភាព គណនេយ្យភាព សុក្រឹត្យភាព និងទាន់ពេលវេលា នៃការអនុវត្តពីបែបបទ នីតិវិធី ពាក់ព័ន្ធនឹងការគ្រប់គ្រង និងការរៀបចំបញ្ជីសារពើភណ្ឌទ្រព្យសម្បត្តិរដ្ឋប្រចាំឆ្នាំ២០២៥ និងការជំរុញការចុះបញ្ចីធ្វើប័ណ្ណកម្មសិទ្ធដីរដ្ឋជូនដល់ មន្ទីរ-អង្គភាពជំនាញជុំវិញខេត្ត៕