កិច្ចប្រជុំស្តីពីការតាមដានត្រួតពិនិត្យ និងវាយតម្លៃការគ្រប់គ្រង និងការប្រើប្រាស់ទ្រព្យសម្បត្តិរដ្ឋ ប្រចាំឆ្នាំ២០២៥សម្រាប់ផ្ទៃក្នុងក្រសួងសេដ្ឋកិច្ច និងហិរញ្ញវត្ថុ នៅសណ្ឋាគារសុខា ខេត្តព្រះសីហនុ

អ្នកនិពន្ធ: admin
កាលបរិច្ឆេទ: ថ្ងៃសុក្រ ទី០៦ ខែមីនា ឆ្នាំ ២០២៦

នាព្រឹកថ្ងៃសុក្រ ៣រោច ខែផល្គុន ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី៦ ខែមីនា ឆ្នាំ២០២៦ នៅសណ្ឋាគារឆ្នេរសុខា ខេត្តព្រះសីហនុ, លោក ឆឹង បូរិន ប្រធានការិយាល័យទ្រព្យសម្បត្តិរដ្ឋ និងចំណូលមិនមែនសារពើពន្ធ នៃមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមកិច្ចប្រជុំស្តីពីការតាមដានត្រួតពិនិត្យ និងវាយតម្លៃការគ្រប់គ្រង និងការប្រើប្រាស់ទ្រព្យសម្បត្តិរដ្ឋ ប្រចាំឆ្នាំ២០២៥ សម្រាប់ផ្ទៃក្នុងក្រសួងសេដ្ឋកិច្ច និងហិរញ្ញវត្ថុ ក្រោមអធិបតីភាព ឯកឧត្តមបណិ្ឌតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានគណៈកម្មការបញ្ជីសារពើភណ្ឌទ្រព្យសម្បត្តិរដ្ឋ “គ.ប.ទ.” ។

កិច្ចប្រជុំនេះ មានការអញ្ជើញចូលរួមពី ឯកឧត្តមរដ្ឋលេខាធិការ លោកជំទាវអនុរដ្ឋលេខាធិការ ឯកឧត្តមអគ្គលេខាធិការ ឯកឧត្តម លោក លោកស្រី តំណាងអង្គភាពប្រើប្រាស់ទ្រព្យសម្បត្តិរដ្ឋ នៅថ្នាក់កណ្តាល និង ថ្នាក់មូលដ្ឋានទាំង ២៥ រាជធានី-ខេត្ត នៃក្រសួងសេដ្ឋកិច្ច និង ហិរញ្ញវត្ថុ, លេខាធិការដ្ឋាន គ.ប.ទ. និង មន្រ្តីជំនាញពាក់ព័ន្ធ ដោយមានអ្នកចូលរួមប្រមាណ ៣៥០ រូប ។

កិច្ចប្រជុំពិភាក្សានេះដែរ ក្នុងគោលបំណង៖

១). តាមដាន និង ត្រួតពិនិត្យលើវឌ្ឍនភាព និង បញ្ហាប្រឈម នៃការគ្រប់គ្រង់ និង ការប្រើប្រាស់ទ្រព្យសម្បត្តិរដ្ឋ,

២). ដាក់ចេញវិធានការដោះស្រាយបញ្ហាប្រឈម

៣). ទិសដៅអនុវត្តការងារនៅឆ្នាំបន្ទាប់ ។