ខេត្តបាត់ដំបង៖ នាព្រឹកថ្ងៃសុក្រ ១កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៤ ខែសីហា ឆ្នាំ២០២៦, លោក យក់ រិទ្ធិយា ប្រធានការិយាល័យលទ្ធកម្មសាធារណៈ អមលោកអនុប្រធានការិយាល័យ ១រូប នៃមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមកិច្ចប្រជុំដើម្បីចុះពិនិត្យ និងប្រគល់-ទទួលលទ្ធផលការងារគម្រោងមូលនិធិស្រុកឆ្នាំ២០២៦ នៅស្រុករតនមណ្ឌល ខេត្តបាត់ដំបង និងមានការចុះពិនិត្យផ្ទាល់លើការងារជួសជុលផ្លូវបេតុងអាមេចំនួន ០១ខ្សែប្រវែង នៅឃុំស្ដៅ ស្រុករតនមណ្ឌល ខេត្តបាត់ដំបង៕

ខេត្តបាត់ដំបង៖ នាព្រឹកថ្ងៃពុធ ១៤រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១២ ខែសីហា ឆ្នាំ២០២៦, លោក ព្រំឈឹម ធនុ អនុប្រធានមន្ទីរ អមមន្ត្រីជំនាញ ១រូប នៃមន្ទីរសេដ្ឋកិច្ច និងហិរញ្ញវត្ថុខេត្ត បានសហការជាមួយសមត្ថកិច្ចមូលដ្ឋានស្រុកបវេល ចុះពិនិត្យការអនុវត្តសៀវភៅបន្ទុក និងកិច្ចសន្យាភាស៊ីចំណតរថយន្តស្រុកបវេល ខេត្តបាត់ដំបង៕

ខេត្តបាត់ដំបង, នារសៀលថ្ងៃអង្គារ​ ១៣រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១១ ខែសីហា ឆ្នាំ២០២៦, លោក ព្រំឈឹម ធនុ អនុប្រធានមន្ទីរ និងមន្ត្រីរាជការ នៃមន្ទីរសេដ្ឋកិច្ច និងហិរញ្ញវត្ថុខេត្ត បានរៀបចំ និងចូលរួមកិច្ចប្រជុំស្ដីពីការចុះតាមដាន និងស្រង់ថ្លៃទំនិញ និងសេវាលើទីផ្សារតាមបណ្តាខេត្តប្រចាំត្រីមាស សម្រាប់ឆ្នាំ២០២៦ នៅសាលប្រជុំអគារចាស់ នៃមន្ទីរសេដ្ឋកិច្ច និងហិរញ្ញវត្ថុខេត្ត។ កិច្ចប្រជុំនេះដែរ មានការអញ្ជើញចូលរួមពីប្រតិភូក្រុមការងារ នៃអគ្គនាយកដ្ឋានគោលនយោបាយ នៃក្រសួងសេដ្ឋកិច្ច និងហិរញ្ញវត្ថុ  និងមានការចុះស្រង់ថ្លៃទំនិញ និងសេវាដោយផ្ទាល់ ចំនួន ២ទីតាំង (ឡេង សេងណា លក់គ្រឿងសំណង់គ្រប់ប្រភេទ និងមជ្ឈមណ្ឌល Globalhouse) ក្នុងក្រុងបាត់ដំបង ខេត្តបាត់ដំបង៕

ខេត្តបាត់ដំបង, នាព្រឹកថ្ងៃព្រហស្បតិ៍​ ៨រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី៦ ខែសីហា ឆ្នាំ២០២៦, លោក ឆឹង បូរិន ប្រធានការិយាល័យទ្រព្យសម្បត្តិរដ្ឋ និងចំណូលមិនមែនសារពើពន្ធ អមមន្ត្រីជំនាញ ១រូប នៃមន្ទីរសេដ្ឋកិច្ច និងហិរញ្ញវត្ថុខេត្ត បានសហការជាមួយសមត្ថកិច្ចមូលដ្ឋានស្រុក ចុះស្រង់ស្ថិតិ ផ្សារ(តូប-រាន) ចំណតរថយន្ត និងសត្តឃាតដ្ឋាន នៅស្រុកគាស់ក្រឡ ខេត្តបាត់ដំបង៕

ខេត្តបាត់ដំបង, នាព្រឹកថ្ងៃព្រហស្បតិ៍​ ៨រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី៦ ខែសីហា ឆ្នាំ២០២៦, លោក ប៉ោទ្រី ឌឿន ប្រធានមន្ទីរ ព្រមទាំងមន្ត្រីរាជការ នៃមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមកិច្ចប្រជុំគណៈកម្មការកែទម្រង់ការគ្រប់គ្រងហិរញ្ញវត្ថុសាធារណៈ ដើម្បីពិនិត្យ និង ពិភាក្សាលើរបាយការណ៍សមិទ្ធកម្មប្រចាំត្រីមាសទី ២ ឆ្នាំ២០២៦ តាមរយៈ Video Conference (ZOOM)។ កិច្ចប្រជុំគណៈកម្មការកែទម្រង់ការគ្រប់គ្រងហិរញ្ញវត្ថុសាធារណៈ ដើម្បីពិនិត្យ និង ពិភាក្សាលើរបាយការណ៍សមិទ្ធកម្មប្រចាំត្រីមាសទី ២ ឆ្នាំ២០២៦​ តាមរយៈប្រព័ន្ធបញ្ជូន រូបភាព និងសម្លេង (ZOOM) ក្រោមអធិបតីភាពដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្ដីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ៕

ខេត្តបាត់ដំបង, នៅព្រឹកថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦, លោកស្រី ស៊ឹង ពៅរតនាមុនី ប្រធានការិយាល័យស្ថិតិ និងសេដ្ឋកិច្ចមូលដ្ឋាន នៃមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមកិច្ចប្រជុំគណៈកម្មាធិការប្រជាជន និងការអភិវឌ្ឍន៍ខេត្ត ក្រោមការរៀបចំដោយមន្ទីរផែនការខេត្តបាត់ដំបង និងដឹកនាំដោយ លោក អ៊ីុវ កុសល ប្រធានមន្ទីផែនការខេត្ត និងជាអនុប្រធានអចិន្ត្រៃយ៍នៃគណៈកម្មាធិការប្រជាជននិងអភិវឌ្ឍន៍ខេត្ត តំណាង ឯកឧត្តម សុខ លូ អភិបាលនៃគណៈអភិបាលខេត្ត និងជាប្រធានគណៈកម្មាធិការប្រជាជន និងអភិវឌ្ឍន៍ខេត្តបាត់ដំបង។ កម្មវិធីនេះ ធ្វើឡើងនៅសាលប្រជុំអគារ E រដ្ឋបាលខេត្តបាត់ដំបង និងមានការរអញ្ជើញចូលរួមពី លោក លោកស្រី តំណាងទីចាត់ការផែនការនិងវិនិយោគខេត្ត លោក លោកស្រី ប្រធាន អនុប្រធានតំណាង មន្ទីរ អង្គភាពពាក់ព័ន្ធជុំវិញខេត្ត លោក លោកស្រីអភិបាល អភិបាលរងក្រុង ស្រុក ប្រធានការិយាល័យផែនការគាំទ្រឃុំសង្កាត់ក្រុងស្រុក និងមន្ត្រីជំនាញនៃមន្ទីរផែនការខេត្ត ប្រមាណ ៦៩នាក់ ក្នុងនោះស្រី២០នាក់។ កម្មវិធីនេះ ធ្វើឡើងក្នុងគោលបំណង ដើម្បីផ្សព្វផ្សាយ និងប្រមូលធាតុចូលសម្រាប់រៀបចំផែនការសកម្មភាពអនុវត្តក្របខណ្ឌយុទ្ធសាស្ត្រកម្ពុជា ឆ្នាំ២០២៤-២០៣០ របស់ខេត្តបាត់ដំបង ជូនដល់មន្ទីរ-អង្គភាពពាក់ព័ន្ធជុំវិញខេត្ត ក្រុង/ស្រុក ប្រធានការិយាល័យផែនការគាំទ្រ ឃុំ/សង្កាត់/ក្រុង/ស្រុក៕

ខេត្តបាត់ដំបង, នាព្រឹកថ្ងៃព្រហស្បតិ៍ ២កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៦ ខែកក្កដា គ.ស.២០២៦, លោក ឈឿន សុនណាន អនុប្រធានការិយាល័យលទ្ធកម្មសាធារណៈ នៃមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមកិច្ចប្រជុំបើកសំណុំឯកសារស្នើដេញថ្លៃគម្រោងមូលនិធិស្រុក ឆ្នាំ២០២៦ លើការងារជួសជុលផ្លូវបេតុងអាមេ នៅភូមិគោកក្ដួច ឃុំតាពូង និងនៅភូមិថ្មគោលជើង ឃុំតាម៉ីន និងការងារតំឡើងសូឡាតាមដងផ្លូវសាធារណ: ស្ថិតនៅភូមិកគោរណ៍ ឃុំជ្រៃ ក្នុងស្រុកថ្មគោល ខេត្តបាត់ដំបង៕

ស្រុកសង្កែ ខេត្តបាត់ដំបង, នាព្រឹកថ្ងៃព្រហស្បតិ៍ ២កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៦ ខែកក្កដា គ.ស.២០២៦, លោក យក់ រិទ្ធិយា អនុប្រធានការិយាល័យលទ្ធកម្មសាធារណៈ នៃមន្ទីរសេដ្ឋកិច្ច និងហិរញ្ញវត្ថុខេត្តបាត់ដំបង អមមន្ត្រីជំនាញ ១រូប បានចូលរួមកិច្ចប្រជុំបើកឯកសារដេញថ្លៃ ចំនួន ២គម្រោង នៅសាលប្រជុំ សាលាស្រុកសង្កែ ខេត្តបាត់ដំបង លើការងារជួសជុលពង្រីកផ្លូវថ្មម៉ិចប្រវែង៣០០ម៉ែត្រ ចាប់ពីរង្វង់មូលព្រាបស ភូមិបេងដល់ ភូមិអន្លង់វិល និងការងារជួសជុលផ្លូវគ្រួសធម្មជាតិ ១ខ្សែប្រវែង២២០០ម៉ែត្រ ៕

ខេត្តបាត់ដំបង, នាព្រឹកថ្ងៃព្រហស្បតិ៍ ២កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៦ ខែកក្កដា គ.ស.២០២៦, លោកស្រី ហេង សុទិនី អនុប្រធានមន្ទីរ ព្រមទាំងមន្ត្រីរាជការ នៃមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមកម្មវិធីផ្សព្វផ្សាយស្តីពីការលើកកម្ពស់សីលធម៌សង្គម តម្លៃស្ត្រី និងគ្រួសារខ្មែរ ក្រោមអធិបតីភាព លោកជំទាវ កែវ ចរិយា រដ្ឋលេខាធិការ និងជាប្រធាន ក.ក.យ. តាមរយៈ Video conference system (ZOOM App)៕

ខេត្តបាត់ដំបង, នាព្រឹកថ្ងៃពុធ ១កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៥ ខែកក្កដា គ.ស.២០២៦, លោកស្រី ហេង សុទិនី អនុប្រធានមន្ទីរ ព្រមទាំងមន្ត្រីរាជការ នៃមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមសិក្ខាសាលាផ្សព្វផ្សាយ ស្តីពីប្រព័ន្ធគាំពារសង្គមសម្រាប់មន្ត្រីរាជការក្រសួងសេដ្ឋកិច្ច និងហិរញ្ញវត្ថុ តាមរយៈ Video conference system (ZOOM App)៕